شات ومنتديـــات حدوتــة مصـــــرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالدردشةمركز رفع وتحميل الصورالتسجيلدخول

 

 مشرف راح يخطب تعالو شوفو حصل ايه

اذهب الى الأسفل 
كاتب الموضوعرسالة
Roka
الادارة
Roka


انثى
عدد مساهمات العضو : 1291
العمر : 30
صورة : مشرف راح يخطب تعالو شوفو حصل ايه 15781610
sms : إذا كنت تحبني فربما أحبك وربما لا أعبأ بك
ولكن إذا كنت تكرهني فتأكد أن الكراهية
لا تقتل سوى قلب صاحبها
الدولة : مشرف راح يخطب تعالو شوفو حصل ايه Eg10
المهنة : مشرف راح يخطب تعالو شوفو حصل ايه Collec10
الهواية : مشرف راح يخطب تعالو شوفو حصل ايه Writin10
مشروبك المفضل : مشرف راح يخطب تعالو شوفو حصل ايه 2qkjps6
نقاط : 895
السٌّمعَة : 2
تاريخ التسجيل : 27/04/2008

مشرف راح يخطب تعالو شوفو حصل ايه Empty
مُساهمةموضوع: مشرف راح يخطب تعالو شوفو حصل ايه   مشرف راح يخطب تعالو شوفو حصل ايه Emptyالثلاثاء مارس 24, 2009 3:40 pm

مشرف منتدى رايح يخطب تعالو نشوف ايه اللى هيحصل
طبعا الاسماء ولااماكن مستعارة يجماعة



--------------------------------------------------------------------------------


منور يا ابنى
- ده نورك يا عمى
- اشرب النعناع اللى انت عاوزه
- ميرسى
- كنت عاوزنى فى ايه باه؟
- يا عمى انا يسعدنى ويشرفنى انى اتقدم واطلب ايد بنتك بوسى
- والله يا محمد يبنى ده انا اتشرف بس انا معرفش حاجه عنك
- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى
- يعنى اسال عليك فى الاماكن دى؟
- طبعا وانا معروف جدا هناك ودى مبتكذبش اسال بس عن فانكى
- مين؟
- فانكى ........ انا.... ده مفيش حد على النت ميعرفنيش
- طب يبنى شغلتك ايه؟
- يا عمى انا مشرف
- ايوه يعنى بتشتغل ايه؟
- مشرف قد الدنيا فى قسم (يعنى يا عمى رئيس قسم)انت فاهمنى ؟
- والله كويس جدا كمبيوتر يعنى
- تقدر تقول كده
- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟
- اصلى مش مهندس اصلا انا محاسب
- الله .............طب ما علينا بتشتغل فين؟
- على الكمبيوتر بتاعى
- ايوه يعنى فى شركة ايه؟
- لا تبع نفسى
- وماله الشغل الحر مفيش احسن منه طيب شركتك فين ولا فاتح محل؟
- لا فى البيت عندى عادى
- طيب بتقبض كام؟
- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته
- طب اخر موقع اخدت فيه كام؟
- لا اخر موقع ده كان لواحد صاحبى دخلت فيه مشرف مجامله
- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟
- اه طبعا عندى
- ايوه .......... عندك ايه؟
- منتدى يا عمى
- ده ايه ده بأه ان شاء الله؟
- ده برده على النت بس عندى فيه دلوقتى عشرين الف عضو يا عمى
- بيدفعو كام يعنى ؟؟
لا مش بيدفعوا ده انا اللى نفسى ادى الناس فلوس عشان تشترك
- لا حول ولا قوة الا بالله طب ليه يبنى الغرامه دى وعامله ليه؟
- منا هكسب من الاعلانات يا عمى انت مش معايا ولا ايه؟
- حلو اوى المنتدى بتاعك ده يشيل كام اعلان؟
- ممكن لحد عشرين
- طب وبعت الواحد بكام؟
- لا لسه محدش اعلن عندى لسه
- طب يبنى عايش منين ولا بتصرف منين ولا حتى هتعيش بنتى منين؟
- منين ايه بس يا عمى ده انا معايا فيزا محدش فى كفر البطيخ عاملها
- يبنى فيزا ايه بس بقولك هتجيب فلوس منين؟
- من شغلتى والمواقع اللى انا بشرف فيها
- وهى فين دى؟
- منا مديلك لسته بيها هنستعبط؟
- لا يبنى انا مجوزش بنتى لواحد شغلته فى الهوا كده
- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......
- وله
- نعم
- انت عارف لو غمضت عينى وفتحتها ولقيتك قدامى هعمل فيك ايه؟
- ايه؟
- امشى اخرج بره
"يخرج فانكى بره جرى"
- ادى يا ست سوسو جايبالى واحد نصاب والله لاكسرلك الكمبيوتر اللى انتى
قاعدالى عليه ليل نهار ده وهتتجوزى الواد حسن النجار اهو واد كسيب واحنا
عارفين دكانه فين وبيكسب كام وعايش منين..........عيال نصابه


وسورى يا جماعه كله تهريج
ومش عايزه حد يزعل منى
الرجوع الى أعلى الصفحة اذهب الى الأسفل
https://7msryah.yoo7.com
 
مشرف راح يخطب تعالو شوفو حصل ايه
الرجوع الى أعلى الصفحة 
صفحة 1 من اصل 1
 مواضيع مماثلة
-
» تعالو نشوف مين اكتر واحد يقدر يرد فالموضوع ده

صلاحيات هذا المنتدى:لاتستطيع الرد على المواضيع في هذا المنتدى
شات ومنتديـــات حدوتــة مصـــــرية :: الاقـــسام الترفــيهية :: اضحكـ من قلبــكــ-
انتقل الى: