قابلتك .. و كلمتك

ياااااااه ... قابلتك ... وكلمتك
اكيد انا مش موهوم
مش فى حلم كل يوم
اللى بحلمه من سنين

ياااااااه .. عرفتك .. وشفتك
وبعد ما كنت خلاص مليت
من كتر ما شفت وروحت وجيت
خلاص عرفت انتى مين

**انا كنت لما بشوف قبلك ... حبيبين يتلاقو يتقابلو
اسأل روحى امتى هقابلك ... و هوايا مين بس يستاهلو

هيكون لقانا ازاى وفين

استنيتك ... ياما نديتك
عشت سنين وانتى ف بالى
بحلم اشوفك لحظة اوبالى

وخلاص الحلم اهوه اتحقق
والفجر بعد الليل شقشق
قلبى الحزين غنّى و زقزق

مش هيعيش تانى حزين

لقيتك .. زى انا ما تمنيتك
كل حاجة فيكى هيّه
نفس الصورة اللى ف عنيا

من فرحتى عايز ارفرف
واروح للنجم العالى واخطف
نجمة ليكى والدنيا تعرف

اد ايه جوايا حنين