بكتبلك...............

بكتبلك ...
بطلب مالحب خلاصك وخلاصى
بكتبلك ...
والحبر ياريته ينقلك اخر احساسى
اذا كنت بكلمة جرحتك فانا طالب وانت الاستاذ
استاذ فى الغدر استاذ فى الظلم واللعب بمشاعر الناس
بتعلم قلبى يخون والمنهج جرح عيون
بتعلم قلبى بجرحك يتحول شرعه لشرعك
شرع جارحك وخيانتك
مديرية ظلمك ... وادارة كدبك ... وعذاب منهج مدرستك
وعشان انا رافض علمك ... بكتبلك ...

حب اللى انت استكترته عليا
مش حب ... دا جرح
ودموعك ... لو كانت نزلت اصلا
مش دمعة حزن ... دى فرح
فرحان بخصامك ليا
وبجرح كلامك فيا
انت اللى بديت الحب ونهيته وانا بتفرج
بحسب نفسى اتحبيت اتارينى بالنسبالك
اهى قصة لحد ما تفرج ....
وعشان انا رافض علمك ... بكتبلك

راهنوك على حبى رحتلهم ...صدقت كلامهم
كدبتنى ....
وكسبت رهانك بس حقيقى بجد خسرتنى ...
يعنى خلاص وياريت تساعدنى ...
مش معقول يوم نرجع تانى ...
ويإما انا انساك واعيش ....
يإما تعيشنى وتنسانى ....
وانا فى الاخر بتأسفلك ... يوم منا قولت الحب طريق
عندك حق الحب دا اكبر ... الحب دا اصعب شئ
ودليلى ....
مهما الطريق بيطول بينتهى ... اما الحب
فى اخر سكته جرحه بيبتدى
انا ببعتلك اخر فرحة ... ايوه دا اخر فرحى
واللى هيجى بكل صراحة ... بداية جرحى
بس هفضل جرحى عليك .....
وعشان انا رافض علمك ... بكتبلك

[ندعوك للتسجيل في المنتدى أو التعريف بنفسك لمعاينة هذه الصورة]

مرسيى ياخوخة ياقمر ع المرور
يارب تكون عجبتك الاغنية